Ramdam ko ang kaba ni Dira noong dumating na si Vincent. Nakita ko agad ang talim ng kanyang mga mata nang tingnan niya ang kapatid habang si Dira naman ay mabilis na nagtago sa aking likuran. Para bang hinanap niya agad ito pagkapasok ng bahay.
Sinalubong siya ng kanyang parents. Kinausap siya at kinumusta habang nagiging bago na naman sa aking mga mata ang kanyang tindig. Pakiramdam ko ay masyado na siyang manly sa aking paningin na ang hirap nang isipin ang tindig niya noon.
Kinuha ng katulong ang kanyang mga gamit at iniakyat ito sa kanyang kuwarto. Pagkatapos siyang kausapin ng kanyang parents ay deritso na agad ang lakad ni Vincent sa aming dako ni Dira.
“Indira,” tawag niya sa malamig na boses at namulsa sa aking harapan.
Kabado pa noong sumilip si Dira para tingnan si V
