Napatingin ang lahat sa pagdating ni Vincent. Binitiwan ni Vincent ang kamay ni Daniel na hindi na halos nakangiti dahil sa pagsalo nito sa kanyang kamay. Medyo natahimik sila habang si Rafael naman ang tumayo at nakipagbungguan ng balikat sa kanya.
"Sino ang kasama mo?" tanong ni Rafael habang binibigyan siya ng shot.
Tinanggap iyon ni Vincent at sinenyasan akong umusog ng kaonti. Ngumuso ako at umusog ng kaonti para makaupo siya sa gilid.
"Ako lang. Sumunod ako para mahatid pauwi ang dalawa," si Vincent na umuulo na sa aking tabi at nilagok ng deritso ang laman ng shot.
"Kay Rafael ako sasabay, Kuya," ani Dira nang tumagilid ang kanyang ulo para silipin sa aking gilid ang kapatid.
Inilahad ni Vincent ang shot pabalik kay Rafael. Tinanggap ito ni Rafael habang kinakausap na siya
