Hindi makausap ng matino si Aleli. Gusto ko siyang lapitan ngunit parang hindi iyon magandang ideya para kumbinsihin ito sa kalmadong pag-uusap dahil sumisiklab din siya.
“Just go,” si Dan sa namumungay na mga mata nang tingnan ako.
Para akong nasusunog sa impyerno dahil sa nagliliyab na galit ni Aleli. Bigo ko siyang tiningnan ngunit hindi man lang humuhupa ang kanyang galit.
“Celeste,” biglang dumating si Vincent at dumungaw sa bukas na pinto.
Napatingin kaming lahat doon. Nagtungo ako sa may pinto para puntahan si Vincent na pumapasok na rin. Tiningnan niya agad si Aleli.
“Oh? Hello Vincent Herrera! Kumusta ang pagbubulagbulagan?” natatawang tanong ni Aleli.
Gumalaw ang panga ni Vincent. Ramdam ko agad ang kanyang galit. Hinaplos ko ang kanyang braso para yayain na itong uma
