CHAPTER 67
THE KILLER LOVER
JOEMAR ANCHETA
"Ilabas na nga ninyo 'yan! Ano pa bang hinihintay ninyo?” singhal ko sa mga guwardiyang parang nag-eenjoy yatang makinig at manood sa nasasaksihan nilang drama.
"Tara na sa labas sir." Hinawakan ng isang guard ang braso ni L-jay.
"Hindi mo na ako kailangang hawakan, Manong. Lalabas ho ako." humihikbi niyang sinabi iyon. Pinunasan niya ang luha niya gamit ang kaniyang mga daliri.
Tumingin siya sa akin. Mabilis kong iniwas ang tingin ko sa kaniya. Naaawa ako pero kailangan kong protektahan ang sarili ko. Masyado nang magulo ang lahat. Nagkagulo lang naman ng ganito nang pinapasok ko si L-jay sa buhay ko. Nag-aaway man kami ni Denver noon ngunit hindi ganito katindi na parang laging nasa panganib
