MAXINE’S POV
Lumipas ang oras ay hindi pa rin lumalabas ang doctor mula sa operating room. Kinakabahan na ako para sa aking anak. Hindi ako mapakali dito sa labas ng operating room, habang si Lucas ay kinakausap niya ang kanyang abogado sa telepono.
Nang matapos makipag-usap ni Lucas ay bigla niya akong hinila palapit sa kanya na ikinagulat ko.
“Maxine, p’wede ba? Umupo ka naman! Ako ang nahihilo sa ‘yo sa pagparo’t parito mo,” wika niya.
Ngumisi ako. “Paano ako mapapanatag? Ilang oras na sila sa loob, Lucas!’’ katwiran ko.
Magsasalita na sana si Lucas nang biglang dumating ang kanyang ama kasama ang kanilang kasambahay.
‘‘Lucas, anong nangyari sa apo ko?’’ seryosong tanong na ama ni Lucas habang nakatingin sa
