LUCAS’S POV
Naglalakad ako patungo sa munting kubo nina Maxine nang makita kong may mga kalalakihan na inilabas ang mga gamit nina Maxine at may isang matandang babae ang talak nang talak. Habang ang dalawang kalalakihan ay hawak-hawak sina Tatay Maximo at Nanay Jasmine.
Binilisan ko ang aking paglalakad upang makarating agad sa bahay nina Maxine.
“Kuya Lucas!”
“Kuya Lucas!” sabay na sigaw nina Justine at Jessica nang makita ako. Sila ang mga nakababatang kapatid ni Maxine.
“Bitawan n’yo sila!” utos ko sa mga kalalakihang may hawak sa magkapatid at sa mga magulang ni Maxine.
“At sino ka—”
Hindi na natapos nang may edad na babae ang sasabihin niya nang makita ako.
Nagtagis ang aking mga panga nang makilala ko ang ginang. Nabuhay ang galit sa aking puso para sa babaeng kaharap ko nga
