NAPASINGHOT si Olivia pagkatapos ay malakas na nabahing. Pinunasan niya ang ilong habang masama ang tingin niya kay Mr. Del Fredo. Dahil dito ay mukhang magkakasakit pa ata siya sa pagkabasa sa tubig. May nakapatong na tuwalya sa ulo niya na nakalaylay sa kanyang balikat. Hindi na rin basa ang damit niya. But her hair was till wet. Pinahiram siya ng damit ni Jingjing, iyong batang katulong ni Mr. Del Fredo.
“Magkape ka muna, Ma’am Olivia,” ani Jingjing na may dalang tasa. Ipinatong nito iyon sa maliit na babasaging table sa kanyang harapan. “Nakakatuwa. Kasya sayo ang mga damit ko.”
Ngumiti siya. “Saktong sakto nga e. Maraming salamat talaga sayo.” Laking pasalamat niya sa pagpapahiram nito ng damit sa kanya. Humigop rin siya sa tasa upang mainitan.
“No worries, ma’am. Sa ukay-ukay ko
