Napangiti naman ako sa tanong sa akin ni Brickell. Oo, alam ko na ang tanga ko na ngayon. Dahil naniniwala pa ako na kaya niya akong mahalin, kahit magkaibang nilalang kami. Pero wala namang masama kung umasa ako. Dalawang beses na rin naman na may nangyari sa amin ni Brickell. Sa tingin ko ay dapat may relasyon na kami ngayon.
“Ano na ba ang relasyon natin ngayon? Sa tingin ko ay kailangan muna na may relasyon tayo bago tayo ikasal. Paano ba ang kasal dito sa mundo ninyo? Normal na kasal lang din ba katulad sa kasal sa mundo naming mga tao?” sunod-sunod na tanong ko sa kaniya.
“No. Iba ang proseso ng kasal dito, Reign. Pero kung gusto mo nang katulad sa kasal sa mundo ninyo, pwede naman din nating gawin ‘yon dito.”
Nakuryoso naman ako kung anong klaseng proseso ang kasal dito sa mun
