[ZAROS MARTEL’S P.O.V.]
“Ano?! Paano niya nalaman kung saan ninyo dinala si Reign?!” galit na tanong ko kay Dos. Siya na lang ang nakabalik dito sa pinaka-hideout namin ngayon. May sarili kaking hideout dito sa mundo ng mga bampira at bukod pa ang hideout namin sa mundo ng mga tao. Tutal naman ay walang pakialam sa akin si Dmitri, kaya hindi niya alam kung ano ang mga ginagawa ko ngayon laban sa kaniya. Kung hindi niya pa rin ibibigay sa akin ng kusa ang posisyon niya, ako na mismo ang gagawa ng paraan para maisuko niya ‘yon.
“Hindi ko rin alam. Nagulat na lang kami na bigla siyang sumulpot at pinatay ang mga kasamahan natin,” sagot sa akin ni Dos.
“Damn! Paanong hindi niyo alam? Imposible na mahanap ni Dmitri ang kuta natin na ‘yon!”
“Pasensya na, Amo. Hindi ko talaga alam kung paa
