Gusto ko nang matulog, pero pinilit ko ang aking sarili na magising. Marami-rami rin kasi ang dugo na nakuha sa akin, kaya inaantok ako ngayon ng sobra. Pero siyempre, para sa pera ay kailangan kong tiisin ang lahat. Kuryoso rin ako ngayon sa kung ano ang hawak ni Mr. Brickell. Dahil yata inaantok ako at namalikmata ako na sobrang bilis niyang naglakad. Baka naman kasi tumakbo siya at nanlabo lang talaga ang paningin ko dahil sa pagkuha ng dugo sa akin kanina. Pero nakakapagtaka na hindi na bumalik ang lalaki na kumuha ng dugo ko. Umalis na kaya siya? Baka tapos na ang shift niya rito kaya umalis na siya.
Maya-maya ay pumasok na si Mr. Brickell sa loob ng kwarto ko. Nagsialisan na rin pala ang mga nurses na nakatingin sa akin kanina. Para bang binabantayan nila ako. Ganito ba ako kaimpor
