Ako ba ang sinasabihan niya ng behave? Para naman akong aso kapag gano'n. Ngunit tumango naman sa kaniya ang lalaking nurse na kasama ko. Ah, baka siya ang sinasabihan ni Mr. Brickell ng gano'n. Pero bakit naman siya sinabihan ng gano'n? Hindi ko na naisip pa dahil pinasunod na agad ako ng lalaking nurse sa kaniya. Nakakabingi ang buong lugar sa sobrang tahimik. Hindi ko tuloy alam kung ano na ang gagawin ko ngayon.
Pumasok na kami sa loob ng isang kwarto. "Humiga ka muna," malamig na tugon sa akin ng lalaki. Hindi na ako nagsalita pa at mabilis na lang na sumunod sa utos niya. Humiga ako sa kama. Mabuti na lang at nakasuot ako ng pants, nang sa gano'n ay maging komportable ako ngayon. Inihanda na niya ang mga gagamitin. Tapos ay ikinabit na niya sa braso ko ang kung ano-ano na medical e
