Thamia
“MAY sasabihin ako.”
Hindi na kami nakapag-usap ni Miguel kagabi dahil nakatulog ako. Late na rin talaga siyang nakauwi. Siguro ay kahit gustuhin niyang umalis kaagad, hindi niya magawang makaalis.
“Hmm?
Lumapit ako sa kanya at naupo sa tabi niya. Nakatutok siya sa laptop niya at tila may tinatapos.
“Tumawag sa akin ang dad mo kagabi.”
Natigil siya sa pagtitipa at namuo ang katahimikan sa paligid naming dalawa. Dahan-dahan siyang lumingon sa akin. Magkasalubong na kaagad ang kanyang kilay.
“And what did he say?”
Huminga ako nang malalim. “Gusto niya raw akong makausap nang personal. Sabi ko, ayoko.”
Tumaas ang kilay ni Miguel sa akin. Mayamaya pa ay para siyang matatawa.
“Sinabi mo ‘yon kay Dad?”
Ngumuso ako at tumango. “Ayoko siyang kausapin dahil hindi ko pa rin makalim
