Mariing naikuyom ni Diana ang kamay habang hawak niya ang invitation card na ipinadala ng lolo ni Connor sa kaniya. Ibinigay niya iyon sa isang security staff at taas ang noo na naglakad na siya papasok sa venue na pagdarausan ng party.
Pakiramdam niya ay tumatagos sa balat niya ang matiim na titig ng bawat babaeng nasasalubong niya. Alam niyang ang karamihan sa mga ito ay umaasa na mapipili ng pamilya Campbell bilang babaeng pakakasalan ni Connor.
Pilit na ngumiti siya kahit nagngingitngit ang kalooban niya. Hindi na siya papayag pa na mawala sa kaniya si Connor sa ikalawang pagkakataon. Nakahanda siyang gawin ang lahat para lang makalapit dito at ipaliwanag dito na hindi totoo ang mga sinabi niya noon bago niya ito iniwan.
Inilibot niya ang mga mata sa buong paligid. Marami ng duma
