C H A P T E R 34
Erris Lily's POV
Pinanood ko siyang maglakad palayo mula dito sa malaking bintana ng kuwarto ko. Mabigat ang loob ko sa lalaking iyon. Hindi ko siya hinarap kahit sinadya niya pa ako mismo dito sa palasyo para makipag-usap. Naduduwag ako saka natatakot, hindi ko nga alam kung ano ang kinatatakot ko sa pakikipag-usap na hinihiling niya, basta sa tingin ko lang naman ay ayaw ko muna na makaharap siya ngayon. Pumunta mismo si Mama dito sa kuwarto ko kanina at sinabi nga na gusto raw akong makausap ni Warren.
Natagalan ako sa pagsagot, nagdadalawang-isip. Mukha naman na napansin iyon ni Mama at kung may problema raw ako ngayon, hindi niya lang papayagan si Warren ngayon na makipag-usap sa 'kin. Sinabi ko na lang na ayaw ko at masama ang pakiramdam ko kahit hindi naman tala
