TAHIMIK ang mga kaopisina ni Analyn na natutulala pa rin sa mga nangyari! Na tila napakataas na tao ni Analyn para katakutan nila at igalang. Napapaisip kung sino ba ito at anong katungkulan sa kumpanya. Pero kahit nag-research na sila sa social media, wala silang mahanap na pagkakakilanlan ni Analyn.
May social media account ito pero hindi ang totoong pangalan ang gamit at hindi rin naga-upload ng larawan niya. Hindi naman kasi siya mahilig mag-internet. Si Annalisa naman ay naka-private ang account at hindi rin totoong pangalan ang ginagamit.
“Kung hindi kay director nanggaling ang bagong desktop at bulaklak niya. . . sino ang nagbigay no'n?” pabulong tanong ni Shirley sa mga kasama nito habang nasa cafeteria silang grupo.
Napabaling sila kay Rita na tahimik ding kumakain.
“Ma'am
