HABANG nagbubukas ng tindahan ang mag-asawang Analyn at Theodore, may humintong motor sa tapat nila na sabay nilang ikinalingon doon. Napalunok si Analyn na biglang binundol ng kakaibang kaba sa dibdib lalo na't napakunotnoo si Theodore na nilapitan siya.
Nagtanggal ito ng helmet at nagtaas ng dalawang kamay na pumalibot kaagad ang mga tauhan ni Theodore dito.
“Ang lakas naman ng loob mong magpakita dito matapos ng ginawa niyo kay boss Theo!” singhal ni Ricky na tinutukan ito ng baril!
“Kulang pa ang buhay mong kabayaran sa pagtatangka niyo sa buhay ni boss!” gigil na singhal nito sa binata.
“Daddy, sino siya?” pabulong tanong ni Analyn dito na nakayapos siya sa baywang ni Analyn na tila prinoprotektahan ito.
“Siya si Bryan, baby. Ang dating kanang kamay ko,” sagot ni Theodore dito
