CHAPTER 59
Sumunod ako kay Pico sa third floor. If I’m not mistaken, para sa mag third year students ang mga classroom dito. Pumasok kami sa nag-iisang room na bukas ang pinto. Madilim ang loob nito, at sa pagpasok namin ay parang kinabahan ako.
“Wala bang ilaw, Kuya?” tanong ko sa kanya habang nangangapa sa dilim.
Naramdaman ko naman na hatakin niya ang kamay ko at isama ako sa loob kung saan may divider, at sa likod nito, ay ang isa pang mas maliit na kuwarto.
“Tumayo ka dito.”
Ipinuwesto niya ako sa harap ng isang canvas na halos kasing taas ko. Tapos ay pumunta siya sa may pader at narinig ko ang pagbukas niya ng light switch.
Tumambad sa aking harapan ang portrait ng dalawang lalaki. Nakaluhod sa isang tuhod ang unang lalaking nakaharap. Nakakapit ang right hand sa sarilin
