CHAPTER 60
Alas-dies pasado na kami naka-uwi ni Bryan. Nasa bahay na si Kuya at nanonood ng pelikula sa Netfixx at kumakain ng sitsirya.
“Good evening Kuya!” masayang bati sa kanya ni Bryan.
“Good evening, kumain na ba kayo?”
“Opo, Kuya, anong pinapanood mo?”
“Eto, may bagong horror series sa Netfixx, nood tayo.”
Napaatras si Bryan. “Nakow! Horror nanaman? Pass na ako, baka hindi nanaman ako makatulog niyan!”
Natawa si Kuya. “May mga tsitsirya pa d’yan kuha lang kayo.” sabi n’ya bago bumalik sa pinapanood ng pelikula.
“Doon na tayo sa kwarto, Bryan.” napangisi si Bryan sa tawag ko.
“Sige, Kuya, good night po!”
“`Oy, `wag kayong magpagod, ha?” pahabot pa ng kapatid kong tumatawa!
“K-Kuya naman!” nahihiya kong sagot.
“Buti na lang liberated ang mga kapatid mo, ano?” sabi
