"Kumusta ho si Zanya?" kinakabahang tanong ni Brandon sa ina pagdating niya sa ospital. Nang itawag sa kanya ng Mama niya na sumasakit ang tiyan ng asawa ay agad niyang ipinatakbo sa ospital. Siya rin ay agad na umalis ng opisina para puntahan ang mga ito. Nasa delivery room na si Zanya nang dumating siya.
"Huwag kang mag-panic, anak. Inaasikaso na siya ng mga doktor. Natural lang naman na sakitan siya ng tyan dahil kabuwanan naman na ni Zanya."
Kahit anong sabihin ng Mama niya ay hindi pa rin siya mapakali. Naghirap ang asawa niya sa pagbubuntis mula nung first-trimester nito hanggang noong nakaraang buwan na nagkaroon ito ng spotting. Halos mag total bedrest pa ito pero pinipilit lang kumilos at tulungan ang Mama niya sa pagluluto para huwag lang siyang mag-alala.
Lumabas an
