"Nasa labas na naman ho si Sir Alexis, gusto raw ho kayong makausap," wika ng sekretarya na kausap ni Brandon sa intercom. Ito na ang pangatlong beses na nasa labas ang kapatid sa ama para makausap siya.
Nang kinausap siya ng Papa niya ang tungkol sa kagustuhan ni Alexis na magtrabahong muli sa distilerya ay tutol ang kalooban niya. Hindi na muling inungkat ni Leonardo ang issue pagkabalik nila ni Zanya mula sa France makalipas ang dalawang linggo, pero si Alexis naman ang hindi siya pinatatahimik. Napilitan siyang babain na lang ito at kausapin.
Naiinip na itong naghihintay sa labas ng gate nang makita niya. Umayos ito ng tayo nang makaharap siya.
"Sinabi ni Papa na maaari pa rin akong magtrabaho dito, Brandon. Hindi naman posisyon mo ang kinukuha ko kung hindi sa mas mababang p
