WARNING: SOME SCENES ARE NOT SUITABLE FOR YOUNG AUDIENCES.
----
"Iniatras na ni Alexis ang kaso laban sa 'yo at sa kumpanya, Brandon. Humingi rin siya ng tawad sa akin sa pagtatalo namin nitong nakaraang araw," wika ng ama sa kanya nang magkausap sila sa opisina nito.
Paalis na sila ng asawa niya patungong France at dumaan lang siya para pirmahan ang ilang cheke na pambayad sa suppliers at ang sahod ng mga tauhan dahil dalawang linggo sila doon. Ang Papa niya ang pansamantalang tatao sa opisina dahil hindi pa niya maaaring ipagkatiwala kaninuman sa dalawang kapatid sa ama.
"Nasa kabilang kumpanya na siya ngayon nagtatrabaho, hindi ba?"
"He resigned when he realized it was a stupid decision."
"Good," sagot niya sa ama. "Pero hindi pa rin siya maaaring pumasok sa building na ito lalo k
