Itinaas ni Brandon ang mukha ni Zanya at siniil ito ng halik para tumahan. Nalasahan niya ang alat dala nang pag-iyak nito. Idiniin niya ang halik at ikinawit naman ni Zanya ang mga braso sa leeg niya. He tasted heaven. Sa ilang sandali ay pinagsawa niya ang sarili sa halik nito at para iparamdam kung gaano niya ito kamahal.
"Okay na sana na ipinaglaban mo 'ko, pinagyabang mo naman ang yaman mo," nakangiting wika niya kay Zanya para patahanin ito sa pag-iyak. A woman is a woman. Kahit gaano ito katapang nung una niya itong nakilala, malambot pa rin ang puso nito at may mga oras na nasasaktan tulad ngayon.
"Malay ko bang susugod dito 'yang babae mo." Kumalas si Zanya sa kanya saka umupo sa swivel chair.
"Hindi ko s'ya babae. She's my ex. Naiintindihan ko naman ang sitwasyon ni
