"Okay ka lang?"
Napatingin si Elisse kay Adrienne na humahaplos sa buhok niya ngayon. Ito agad ang bumungad sa kanya nang magising. Bumangon siya at napasinghap dahil biglang pagsakit ng ulo. Kaagad naman siyang inalalayan ng dalaga at isinandal ng maayos sa headboard ng kama.
"Careful."
"Y-yeah. Sorry." Paumanhin niya at saglit na ipinikit ang mata. "Ilang oras akong nakatulog?"
"Almost five hours din." Adrienne answered na siyang ikinalaki ng mata niya.
Five hours? Gano'n siya katagal nawalan ng malay at dahil lang 'yon sa naririnig niyang boses sa loob ng isip? That was...
Awesome, I know. Sagot ng boses sa isipan. Napakunot siya ng noo at napailing. She's talking to her again.
"May problema ba?" Napatingin siya kay Adrienne at umiling na lang. Ayaw niya namang mag-alala pa ito.
