┈┈┈┈◦•✩•◦┈┈┈┈
Dahil nabitin sila sa adobong palaka ay bumalik nga sila sa bukid upang manghuli muli. Lahat ng kalalakihan maging si Marcus at si Josh ay mga nakasuot ng bota upang lumusong sa palayan.
"Napakarami naman ninyo diyan, hindi kaya matakot ang mga palaka sa inyo sa ginagawa ninyo?" ani ni Celestina na nakatayo at katabi ang kanyang Ate Joyce.
"Okay lang ito babe para makarami agad kami," wika ni Josh kaya natawa naman si Joyce.
"Baby, ikukuha kita ng maraming palaka. Naubusan ka kanina kaya para sayo ay manghuhuli ako," ani naman ni Hugo kaya si Celestina ay kinikilig at tinutukso ang kanyang ate.
"Cez, hindi pa ba sila nakakatikim ng palakang bukid? Sa probinsya namin ay lagi kaming nag-uulam nyan. Masarap talaga 'yan lalo na ang adobo o kaya fried frog legs. Grabe hindi
