“May pupuntahan pa ba tayo?” tanong ni Rohem kay Tattered. Kakatapos lang nilang kumain sa isang resto. Busog na busog sila dahil sa sarap at dami rin ng kanilang kinain kaya ito, naglalakad muli sila para bumaba ‘yung mga kinain nila at mapaliit ang kanilang mga tiyan na medyo tumambok.
Tiningnan ni Tattered si Rohem. “May gusto ka pa bang puntahan?” tanong niya.
Ngumuso naman si Rohem. “Ikaw nga ang tinatanong ko tapos ibabalik mo rin sa akin ang tanong? May saltik lang?” natatawang sabi niya.
Natawa naman sa kanya si Tattered. “May gusto sana akong puntahan kasama ka ang kaso, baka naman hindi mo magustuhan,” aniya. “Gusto ko rin kasi na masulit natin ‘yung suspension nating dalawa,” sabi pa nito.
“Ganun?” patanong na wika ni Rohem na ikinatango ni Tattered. “Edi puntahan natin ngay
