Magkaharap na nakaupo sa dining table sina Rohem at Tattered. Nakahain sa hapag ang almusal na niluto ng huli. Nagprito ng itlog, hotdog, tinapa at nagluto din ng fried rice si Tattered. Nakakandong naman kay Tattered si Ripped na kasama rin nila sa almusal. Suot na ulit ni Rohem ang mga damit niyang nabasa kagabi na natuyo na.
“Kumain na tayo,” ani Tattered na tinitingnan si Rohem.
Ngumiti naman si Rohem. Tumango naman si Ripped bilang sagot. Nagdasal muna sila bago kumain at si Ripped ang nanguna pagkatapos ay nagsimula na silang kumain.
Si Tattered ang nagpapakain kay Ripped habang si Rohem naman ay nagsimula na ring kumain. Minsanan naman ay kumakain si Tattered pero mas inuuna niyang pakainin si Ripped.
“Oo nga pala, nag-text ang teacher mo sa akin Ripped na wala daw kayong pasok
