“Kainis naman! Bakit ngayon ka pa nawalan ng tinta kung kailan wala akong dala na extrang ballpen?”
Napatigil sa pagbabasa ng libro si Sandblast. Kumunot ang kanyang noo. Nakuha nang naiinis na tono ng boses na narinig niya ang kanyang atensyon.
Inalis ni Sandblast ang tingin niya sa libro at nilingon kung sino ang nagmamay-ari ng boses na iyon ng lalaki. Nakita niya sa kaliwa niya ang isang binata na nakaupo sa upuan at kahilera ng inuupan niya. May isang bakanteng upuan sa pagitan nilang dalawa.
Nakatingin lamang si Sandblast sa binatang panay ang taktak sa hawak nitong ballpen. Pansin niya ang inis sa mukha at awra ng binata dahil wala ng tinta ang ballpen na hawak nito na ginagamit sa pagsulat sa papel na nasa harapan nito at nakapatong sa mahabang mesa. Kasing lawak ng sinehan ang
