Magkasama sina Rohem at Tattered. Magkatabing nakatayo ang dalawa sa harapan ng dalawang lapida na nasa loob ng isang moseleyo na matatagpuan sa pinakadulong bahagi ng sementeryo. Aakalaing isang malaking apartment ang nasabing moseleyo dahil sa laki at ganda nito. May sarili pang banyo at may ikalawang palapag pa kung saan pwedeng doon muna manatili ang mga bisita at magkwentuhan.
Tiningnan ni Rohem si Tattered na nakatingin naman sa harapan. Sumilay ang ngiti sa kanyang labi.
“Tattered, meet my mom and dad,” wika ni Rohem kay Tattered.
Tinapunan nang tingin ni Tattered si Rohem. Matapos niyang tingnan ang asawa ay salitang tiningnan muli nito ang dalawang lapida kung saan sa kaliwa, doon nakahimlay ang labi ng daddy ni Rohem habang sa kanan naman ay ang mommy nito.
Ningitian ni Tatte
