RACHEL
Extended ang naging celebration ng graduation ko dahil pumunta pa ang buong pamilya namin sa Isla. Ang saya lang talaga na may ganitong pamilya. Masaya kaming nagkukwentuhan, nagtatawanan at pinagsasaluhan ang masarap na mga pagkain.
Enjoy na enjoy ang lahat lalo na maganda ang buong lugar. Ngayon ay nakapunta na ako sa Isla na sinasabi ni Reighn. Ang Isla na naging saksi ng pagmamahalan ni Mama Carmela at Papa Oliver.
Carmela Paradise ang pangalan nito. Talagang katulad ni mama. Habang nakatingin ako sa kanila ni papa ay hindi ko mapigilan ang sarili ko na hindi ngumiti. Kung buhay rin siguro ang parents ko ay ganito rin siguro silang dalawa ka-sweet.
Habang tumatagal ay mas lalo ko silang nakikilala. Hindi ko akalain na may ganito pa lang pamilya, na may ganito pa lang mga tao
