EZNA LIAN
“Baby, may pang-ulam na tayo ngayong araw,” nakangiti na sabi niya sa akin pero ako itong nakatulala lang sa kanya.
“Baby?” talagang nagreact pa sila Nini.
“Oo nga, bakit baby ang tawag mo sa kanya?” tanong naman ng tropa niya.
“Baby sister. May problema ba?” nakakunot ang noo na sabi ni kuya sa kanila.
“Wala naman, pogi. Akala kasi namin ay kasintahan mo si Lian,” sabi pa ni Nini.
Hindi naman nagreact si kuya. Nagulat na lang ako dahil hinawakan niya ang kamay ko at hinila na niya ako.
“Umuwi na tayo, gutom na ako,” sabi niya sa akin at hinayaan ko na lang siya na hilain ako.
Pumasok na lang kami sa loob ng bahay ay hawak niya pa rin ang kamay ko kaya naman tumigil na ako sa paglalakad. Lumingon naman siya sa akin na para bang nagtataka siya sa ginawa ko.
“K-Kuya, ang
