Matapos ang araw na iyon, tila tuluyan nang nawala ang pag-iilang ni Mariella sa magkapatid. Unti-unti iyong naglaho sa kanyang isipan, lalo pa’t nanaig ang pagnanais niyang matulungan ang dalawa.
Sa loob ng isang linggo, umayos naman nang bahagya ang sitwasyon sa bahay. Naroon pa rin ang paminsan-minsang bangayan ng magkapatid, ngunit napansin niyang mas madalas na ang nakatatandang kapatid ang nagsisimula ng gulo. Hindi tuloy niya maiwasang isipin kung bakit ganoon ito.
Abala siya sa kusina nang mga oras na iyon. Medyo nahuli siya sa paghahanda dahil kinailangan pa niyang dumaan sa palengke upang bumili ng ilang gulay. Naisipan kasi niyang magluto ng mas masustansiyang ulam, sapagkat kung hindi karne at delata, puro processed food naman ang karaniwang kinakain ng dalawa.
“Parang gago
