Chapter 39
Limang araw pa ang itinagal ni Aliah sa ospital bago tuluyan itong makalabas. Si Krish lahat ang gumastos ng kanyang mga naging gastusin. Nahihiya man ay hinayaan na lamang ito ni Aliah dahil sinabi nito na isipin na lang niya na galing iyon sa tatay niya. Tanghali nang dumating sila sa kanilang bahay.
“Na miss ko ‘tong bahay!” masayang sabi ni Aliah pagkarating nila sa kanila. Umupo muna siya sa kahoy na upuan nila sa sala.
“Krish, dito ka na lang kumain ngayong gabi. Magluluto lang ako,” ani Ananya na nasa kusina na nila.
Ngumit si Krish dito. “Sige, ate.”
“Dito ka.” Tinapik ni Aliah ang katabi niyang upuan. Agad namang tumalima si Krish at umupo sa tabi niya. Inilagay niya ang kanyang mga daliri sa pagitan ng daliri ng binata. Pagkatapos ay isinandig niya ang kanyang
