Chapter 40
“Wow!” manghang-mangha si Aliah sa kanyang nakikita. Magtatanghali pa lang nang makarating sila sa probinsya ng mga magulang niya at ni Krish. Busog na busog ang mga mata niya sa magagandang tanawin. Ito ang unang pagkakataon na makarating siya rito. Umarkila lamang si Krish ng sasakyan para mayroon silang magamit mula sa airport.
Hindi naman maipaliwanag ni Ananya ang kanyang nararamdaman noong muling tumapak ang kanyang paa sa kanyang pinagmulan. Ibang iba na ang itsura nito mula noong huling tuntong niya rito. Marami na ang mga naggagandahang mga bahay rito. Hindi niya maiwasang kabahan habang binabagtas nila ang kalsada ng kanilang baryo.
“Ate? Doon muna tayo sa bahay dumeretso. Gusto mo bang dumaan sa inyo?” tanong ni Krish kay Ananya na nasa likod ng kotse. Tiningnan
