Kimberly’s POV
DALAWANG BUWAN na akong iniiwasan ni Lander. Para akong mababaliw kakaisip kong nasaan ang anak ko, ang inay at si William. Kapag naghihintay ako hindi siya umuuwi. Gusto ko nang magwala. Pero kahit sumigaw ako. Umiyak nang umiyak walang lumalapit sa akin. Hinahayaan lang akong ilabas ang sama ng loob ko. Ilang beses na akong nagtangkang umalis pero hindi ako pinapayagan ng mga guwardiyang naka talaga sa bahay ni Lander.
“Beth, kinukulong ba ako dito ni Lander?” tanong ko. Napatingin siya sa akin. Ngumiti at umiling na lang.
“Bakit mo naman iniisip yan, Ma’am?” tanong niya.
“Bukod sa umiwas siya sa akin hindi niya ako pinapalabas ng bahay niya.” Nagtitimpi ang inis ko. Maaliwalas ang mukha ni Beth.
“Saan ka pupunta kung aalis ka? Hindi ka nakakulong ma'am, tingin ko
