"HELLO? Is anybody's home?"
Napatigil sa kaniyang ginagawang paglilinis ng kusina si Sieviana nang may narinig siyang boses galing sa labas. Napaisip siya kung may narinig ba talaga siyang boses o baka may napadaan lang.
"Tao po!"
Sa pagkakataong ito ay nasigurado ni Sieviana na mayroon talagang tao sa labas ng cabin niya. Inilagay niya ang hawak niyang pot holder sa counter at naglakad patungo sa pintuan.
Hinawakan niya ang saraduhan at dahan-dahan itong binuksan. Nang tuluyan niya na itong mabuksan ay bumungad sa kaniya ang dalawang pamilyar na tao na malaki ang ngiti habang nakatingin sa kaniya.
"Hi," wika ni Shilloh.
"Hi, Tita Sieviana!" masayang pagbati naman ni Rauthnia sabay wagayway ng kaniyang kamay.
Bakas sa pagmumukha ni Sieviana ang pagkagulat dahil hindi niya inasah
