“CELINE!”
Agad na napalingon si Celine nang marinig niya ang isang pamilyar na boses. Nasa labas siya ng kanilang bahay dahil inutusan ito ng kaniyang ina na maglinis sa harapan dahil sa mga dahong nililipad ng hangin galing sa puno ng mangga patungo sa kanila. Kanina pa siya naglilinis at hindi matapos-tapos dahil sa lakas ng hangin.
Napatigil siya sa pagwawalis at hinarap ito, “Naparito ka? Sinong kasama mo?”
“Ako lang!” agad na tugon ni Sieviana na may dalang pagkain para sa kaibigan. “Dapat ba na may kasama ako para pumunta rito? O, baka…May hinihintay ka?”
Bakas sa tono ng pananalita nito ang pang-aasar sabay taas baba ng kaniyang kilay. Napaiwas ng tingin si Celine dahil ginawang pang-aasar ng kaibigan at nagpatuloy sa pagwawalis.
“Wala no!” agad niyang wika upang hindi na si
