HINDI na nakipagkita pa si Aidan kay Amara kahit no’ng araw na aalis na ito. Desidido na siyang kalimutan si Amara pati na ang pagmamahal niya para sa dalaga. Pero ang pag-alis ni Amara ay malaki ang idinulot na sakit kay Aidan. Hindi siya nakakatulog at nakakakain ng maayos, dahil palagi niyang naaalala si Amara na parang buntot na sumusunod sa kaniya kahit saan man siya magpunta no’ng namamalagi pa ito sa isla.
Kahit hindi niya man aminin sa sarili na nangungulilala siya rito ay hindi naman ito kayang itago ng kaniyang mga mata na napupuno ng labis na kalungkutan. Napapatulala siya kapag tumitingin siya sa malawak na karagatan at bigla niya na lang naaalala ang mga masasayang pinagsamahan nilang dalawa ni Amara rito sa isla. Hanggang sa unti-unti na namang aagos ang kaniyang mga luha na
