HIGIT dalawang buwan nang nananatili sa isla si Sieviana at sa tingin niya ay sapat na ito upang siya ay bumalik na ng Maynila. Ang pagpunta niya rito ay nagdulot ng isang magandang pangyayari kung saan may nakilala siyang mabubuting tao at ramdam niya kung gaano siya kamahal ng mga taong nakapaligid sa kaniya. Nakabalik na sa Maynila sina Shilloh at Rauthnia dahil hindi ito puwedeng magtagal dito sa isla.
Kung tungkol naman sa relasyon nilang dalawa ni Lauthner at Sieviana ang pag-uusapan ay hindi maipagkakaila na malalim ang pagmamahal nila sa isa't-isa. Sinagot na ni Sieviana si Lauthner kaya ganap na silang magkasintahan ngayon. Naisip ni Sieviana na doon lang din naman ang kanilang patutunguhan, bakit niya pa papatagalin kung iyon din naman ang gusto niyang mangyari. Sa sitwasyon n
