PUMASOK si Liwayway sa marangyang boutique ng isang kilalang designer na marami nang beauty queens at artista ang nabihisan. Agad siyang sinalubong ng malamyos na pabango ng ginamit na room fragrance at sinuyod niya ng tingin ang mga rack ng damit. Nakakalula sa dami ng pagpipilian.
Halos dalawang linggo na lamang bago ang anniversary ng Starlight Adventures kaya wala na siyang panahon para magpa-couture kaya pipili na lamang siya sa mga ready-to-wear designs at ipapa-customize na lang iyon sa kanyang size.
Kung kahapon ay kilig na kilig siya na ipapakilala na siya sa party bilang asawa ni Matteo, ngayon naman ay halos nanginginig siya sa sobrang kaba. Hindi niya kasi alam kung ano ang aasahan niya roon lalo na’t marami pa ring mga tao sa paligid nito ang hindi siya matanggap at iniisi
