3rd person POV
Nanginginig ang buong kalamnan ni Nathalia habang papasok sa loob ng kanilang mansyon. Hindi na niya alam ang kaniyang susunod na gagawin simula nang masaksihan niya ang naganap na pangyayari kanina. Nakabangga siya at nakapatay. Ngunit ang hindi niya maintindihan at ikinakatakot ay ang pagbabarilin ng mga tauhan ng ama niya ang taong nasa loob ng sasakayan na kaniyang nabangga.
Kaagad siyang dinaluhan ng mga tauhan nang makita nilang napasubsob siya sa manubela ng sasakayan. Wala siyang imik kanina at hindi makapagsalita buhat sa sobrang pagkagulat. Hanggang sa iuwi siya ng mga tauhan ng ama ay wala pa ring emosyon ang kaniyang buong katawan.
“D-daddy..” tawag niya sa ama. Ang mga labi niya ay nanginginig na rin sa takot. Binalingan siya ni Don August habang nakatayo
