Kinaumagahan ay maaga akong nagpunta sa ospital. Alas nuwebe pa lang ay naghihintay na ako sa lounge ng opisina ng OB-Gyne ko. Kinuha na ni Raya ang vitals ko ng umagang iyon saka sinabihang hintayin na lang matapos ang naunang pasyente. Nagpaalam akong kukuha lang ng maiinom kaya umalis ako saglit para pumunta sa vendo machine sa hallway.
Nagkataong pababa din ng second floor ward si Helen. Mukhang pauwi na ito mula sa shift niya.
"Helen, kamusta na? Pasensya na di kita namessage ulet, medyo nabusy sa business meetings." Pagbati ko dito.
"Naku, pasensya na din Angeli. Medyo toxic sa ward ngayon, andaming nanganak nitong nakalipas na dalawang araw." Naghihikab pang sagot nito.
"Ayos lang, ano ka ba! Ingat sa pagdadrive pauwi. Chat kita soon." Paalam ko dito habang derederetso itong n
