Asha
“Ate! Ate gising!” Yugyog sa akin ni Tasha. “Ate gumising ka nasa baba si Kuya Night at hinihintay ka.”
Pagkarinig ko ng pangalan ni Night ay agad akong napabalikwas at napatingin kay Tasha na nakapalit na sa kanyang uniform. Pagtingin ko sa orasan ay malapit na pala ang alas-siete.
“Nasa baba iyong boyfriend to be mo. Kanina pa siyang alas-sais nandyan at hinihintay ka.” Maang naman akong napatingin sa aking kapatid.
“Ano? Kanina pa siyang alas-sais na naghihintay sa akin?” Tumango si Tasha.
Mabilis akong bumangon at dumiretso ako sa banyo upang maligo at habang nagmamadali ako ay sinabi ko kay Tasha na hintayin ako ni Night saglit.
“Okay. Aalis na ako. Ang swerte mo talaga kay Kuya Night dahil liniligawan ka na nga pati si Mama ay nagpapa-impress pa siya.” Napangiti ako hab
