Anak Ng Callboy
Chapter 55
"Bat hindi ka pa kumakain? Hindi mo ba gusto ang niluto ko?" kunot noo tanong ni Jagger.
Nandito na silang dalawa ni Raddix sa maliit na dining area ng bahay niya. Habang siya ay sarap na sarap na kumain. Napansin naman niya si Raddix na nakatingin lang ito sa kanya. Hindi niya mabasa ang iniisip nito dahil blankong mukha ang ipinapakita nito sa kanya.
"Jagger, ano ba talaga ang kailangan mo sa akin?" seryoso tanong ni Raddix.
Walang panahon si Raddix na makipaglokohan o kumain ng almusal kasama si Jagger. Nagtataka siya kung bakit ganitong ugali ang ipinapakita nito sa kanya? Para bang matagal na silang magkaibigan? Kung tutuusin ay hindi naman sila magkaibigan. Nagkataon lang na kinuha ni Jagger ang serbisyo niya ng isang gabi at iyon na iyon. Nakita ni
