SA LOOB NG klinika hindi mapakali si Noah. Kinakabahan ito sa sasabihin ng doktor matapos suriin si Josie. Hinawakan ni Josie ang mga kamay ng asawa na nanlalamig. Hindi ni Noah maintindihan ang halong kaba at sabik na kaniyang nararamdaman. Matapos ang anim na taon na halos araw-araw nilang sinubukan ni Josie makabuong mali ay parati silang bigo. Sa tuwing lalagpas ang buwanang dalaw ni Josie inakala nilang dalawa sila’y nagdadalantao subalit bigo sila. Hanggang sa tumigil na silang umasa na magkakaanak pa.
“Asawa ko, pumirmi ka nga.”
“Ang tagal naman kasi ng doktor. Ano pa bang hinihintay?”
“Iyong resulta ng urinalysis.”
“Alam na natin na buntis ka. Bakit hindi niya na lang tingnan ang lagay ng anak natin?”
“Noah may sinusunod na patakaran ang mga doktor. Maghintay ka.”
“Sabik lang
