Nakarating na sila ni Laurenti sa condo ng binata pero tila nakatulala pa rin si Kathleen. Hindi niya mapaniwalaan ang mga nangyari kanina sa bahay ng Lola niya. Mabuti na lang talaga na naghinala siyang may masamang balak si Dickson sa kanya kaya hinayaan lang nitong nakabukas ang pinto ng silid nito. May pain pala sa kanya.
"Aalis na 'ko, anak. Kayo na muna ang bahala sa bahay," nakangiting wika ni Dickson kay Donna. Nakahanda na ang almusal paggising niya. May pagkain nang nakahain at may tubig na sa baso katulad din ng kay Donna.
Pero nag-kape muna siya imbes na kumain. Nakita niyang umalis si Dickson at napatingin siya sa silid nito na ang pinto ay bahagyang nakabukas. Mula nang dumating sila dito ng Papa niya ay palagi iyong nakasara. Minsan lang nitong naiwanan at iyon pang naabu
