Gabi nang nakauwi si Kathleen dahil nakipagkita pa siya kay Lani bago umuwi ng bahay ng Lola niya. Nasa sala si Donna na tila inip na inip. Umakyat siya sa silid para umiwas dahil tiyak na gagawin na naman siyang utusan. Kalahating oras na ang nakalipas nang magpasya siyang bumaba dahil sa pagkauhaw.
Pagtungo niya sa komedor ay naka-set ang mesa sa pang-tatlong katao. Bumilis ang t***k ng dibdib niya sa kaisipang isa si Laurenti sa tatlong kakain sa hapunan. Halos alas nueve na ng gabi. Natitiyak siyang hindi siya kasama sa imbitado sa dinner ng pamilya ng pinsan. Mabuti na lang dahil kumain na sila ni Lani sa isang masarap na restaurant.
Maya maya ay narinig niya ang pagsara ng gate. Pagtingin niya ay naroon na si Laurenti sa driveway. Paakyat na siya ulit nang tawagin ni Don
