Nang makaalis si Laurenti pagkahatid kay Donna ay agad siyang nagtungo sa silid. Pinigil niya ang anumang emosyon. Simula nang ibida ni Donna ilang buwan na ang nakararaan na kasintahan nito si Laurenti, alam niyang mangyayari ang pagtatagpo nila ng lalaking una niyang minahal. Napahawak siya sa kwintas na matagal din niyang iningatan. Hinubad niya iyon saka ibinalik sa dati nitong lalagyan. Hindi na nararapat na isuot pa niya iyon.
Noong una ay hindi pa siya naniniwala na magkasama nga ang pinsan niya at si Laurenti sa Amerika. Sigurado niya ngayon na sinadya ni Donna na puntahan ang binata para ilapit ang sarili. Alam kasi nito na doon siya masasaktan.
Pero wala na siyang pakialam ngayon kay Laurenti at Donna. Ang kailangan niyang isipin ay kung paano mahahanap ang Papa ni
