Nag-apply kaagad si Kathleen sa Solace Advertising kahit nakatayo pa kung tutuusin ang Alpha-Vision na pag-aari nila ng Papa niya. Inilagay na rin niya roon na magsasara na 'yun sa susunod na buwan kaya siya naghahanap na ng trabaho. At dahil si Brandon Montealegre ang nag-interview sa kanya ay kilala kaagad nito ang kompanya nila. Alam naman nito kung sino ang dating humahawak sa mga ads at campaign materials ng Albano Corp. bago nito nakuha ang account dahil napangasawa nito si Zanya Albano.
"Anak ka ni Alfredo Manzano? Kumusta na siya?" tanong ni Brandon.
"Mabuti naman ho. Nag-aasikaso ho ng papeles para makaalis ulit ng Pilipinas. Balak ho niyang bumalik sa Saudi," nahihiya naman niyang sagot.
"Hindi ko na kailangang basahin ang resume mo. Pumunta ka sa HR para mag-fillup ng ap
