Sa istasyon ng pulis ay parang mga gerilya ang mga nanang ni Ze. Pinipilit nila ang mga pulis na ikulong ng mga ito si Dwien subalit wala namang makitang ebidensya ng mga alagad ng batas.
Halos magsabunutan na sina Mamang Jessa at Nanang Clara. Sinisikap silang awatin ng mga pulis kahit natatawa na ang mga ito sa itinatakbo ng usapan ng dalawa.
"Manang-mana sa iyo ang anak mo. Mandurugas, mandurugas ng puso tapos paiiyakin din sa huli ang babae." Nagliliyab sa galit ang mga salitang binibitawan ni Nanang Clara. "Natitiyak kong itinago niya ang pamangkin ko!"
"May pruweba ka ba? Puro ka lang naman hinala kahit noon pa! Walang dahilan para gawin iyan ni Dwien," mataray na sabi ni Mamang Jessa.
"Anong hinala? Hinala ba na bakla ka? Ayan, kitang-kita ang ebidensya! Wala kang kwentang ta
