Kumalat sa buong barangay ang ginawang pagtulog ni Stephanie sa kural. Halos isang linggo siyang hindi makalabas ng bahay. Pinagtatawanan kasi siya ng mga tao at inaalipusta rin siya ng mga ka-barangay nila.
Galit na galit si Stephanie kay Ze dahil akala niya ay ito ang may pakana kung bakit nagising siya na yakap ang alagang matabang baboy ng mga magulang ni Luz. Hindi kasi lingid sa kan'ya na malapit sa isa't isa sina Ze at Luz. Habang nakakulong siya sa kanilang bahay ay nag-iisip siya kung ano ang pwede niyang gawin upang mas lalo pang masaktan ang kinaiinisan niyang kababata.
Si Ze ay ilang araw din na hindi pumasok sa trabaho para hindi siya maging tampulan ng tsismis ng mga kasamahan niya. Hindi pa rin isinusuli ng mga nanang niya ang kaniyang cellphone kaya ganoon na lang ang
